متي تأخذ دوائك
معلومات عامة عن
أفضل وقت للعلاج:
.
1- علاج الضغط: بالليل (حسب آخر توصيات) لكن راجع طبيبك قبل ما تغير وقت العلاج
.
2- حقن الإنسولين (المائي والمخلوط): قبل الأكل
.
3- حقن الإنسولين طويل المفعول (لانتوس أو ليفيمير): في أي وقت وغالبا بتكون بالليل وملهاش علاقة بالأكل سواء قبل أو بعد (لكن لو الجرعة زادت عن 50 وحدة في اليوم غالبا هتلاقي الدكتور يقسم لحضرتك الجرعة صباحا ومساء)
.
4- المسكنات: بعد الأكل
.
5- الفيتامينات بشكل عام: بعد الأكل
(أفضل وقت للحديد هو على معدة فاضية لتحسين الامتصاص ! لكن علشان ممكن غالب مركبات الحديد تتعب المعدة شوية بنقول للمريض ياخده بعد الأكل)
.
6- المضاد الحيوي بشكل عام: بعد الأكل
(إلا بعض المجموعات مثل أزيثرومايسين: لازم قبل الأكل على الأقل ساعة … ونفس القصة الباكتريم أو سبترين دي إس أو ريفامبيسين)
.
7- أدوية الضغط: قبل الأكل على الأقل بنصف ساعة أو ساعة
.
8- أدوية الربو (الثيوفيللين أو الأمينوفيللين أو الكيبرون): بعد الأكل
.
9- الجلوكوفاج (أو السيدوفاج أو مادة الميتوفورمين) سواء للسكر أو تكيس المبايض: بعد الأكل
.
10- باقي حبوب السكر بشكل عام: قبل الأكل
.
11- الأدوية المضادة للحساسية (زي كلاريتين أو زيرتك أو تلفاست): قبل الأكل بنص ساعة على الأقل
.
12- أدوية الدهون (أتور أو زوكور أو ليبيتور وهكذا): بالليل (الأفضل بعد الأكل)
.
13- أدوية المعدة: قبل الأكل بنصف ساعة على الأقل (والأفضل لو جرعة واحدة تكون في الصباح زي بنتالوك 40 مثلا يبقى حبة قبل الفطار لأن نتيجتها أفضل)
.
14- شراب الحموضة: بعد الأكل (أو وقت اللزوم)
.
15- الأسبرين: بعد الأكل (حسب ما الطبيب يحدد لك موعدها)
.
16- الكورتيزون: بعد الأكل (الفطار والغداء لو مرتين يوميا وممنوع بالليل نهائي) + كوب حليب + علاج للمعدة في حالة الاستمرار عليه
.
17- أدوية القيء: قبل الأكل بنصف ساعة على الأقل
.
18- أدوية المغص والتقلصات: قبل الأكل بنصف ساعة
.
19- الفحم النشط (زي الإيوكاربون) لعلاج الغازات: بعد الأكل (وباقي الأدوية غالبا قبل الأكل زي أي مادة تحتوي على ثيميثكون (ديسفلاتيل أو فلاتيديل) قبل الأكل بنصف ساعة
.
20- حبوب منع الحمل: صباحا قبل الأكل (إلا إذا كان فيه توصيات تانية من دكتور/ة النساء)
.
21- أدوية كسل الغدة الدرقية (إلتروكسين): قبل الأكل بساعتين (وممنوع معاه أو بعدها في خلال 2-4 ساعات أي دواء فيه حديد أو كالسيوم)
.
22. مذيب البلغم: بعد الأكل
.
23. دواء الكالسيوم بعد الأكل
.
24- أقراص فيتامين د: يفضل أخذها في وقت الفطار
.
((وبشكل عام: لو الدكتور كتب لحضرتك علاج قبل الأكل ونسيت تاخده، خده بعد الأكل بساعتين إلا الإنسولين خده حتى لو في وسط الأكل بس بلاش تكررها مع الإنسولين تحديدا))
.
دمتم في صحة وعافية
.
أحمد العسكري
أخصائي الأمراض الباطنة
جامعة الأزهر
