الأصل فرعونى
سر استخدام المصريين لجملة «100 فل و14»: «الفراعنة جواك مهما مرت السنين»
يستخدم معظم المصريين، جملة «ميت فل و14»، للتعبير عن مدى كمال ما يتحدثون عنه، سواء كان إنسان أو سيارة أو منزل، لكن اتضح مؤخرًا أن لهذه الجملة القصيرة موروث حضاري.
ونشرت صفحة «مصريات» المعنية بتاريخ الفراعنة على موقع التواصل الاجتماعي «فيس بوك»، أصل الكلمة وأسبابها.
والتفسير ببساطة، أنه في رسومات الحضارة الفرعونية، كان لكل كائن، عدد محدد من المربعات لا يجوز الخروج عنها، وكان طول الإنسان العادي في الرسومات ١٩ مربعًا، وعرضه ٦ مربعات، أي أن ٦ ×١٩ = ١١٤.
كلنا بنستغرب ازاي المصري القديم كان عنده دقة في النقش والرسم بالشكل ده
اي الاتقان ده والروعة دي اليكم السبب
كان المصري القديم لما يجي يرسم على جدار او سقف قبل ما يعمل اي حاجة
يقسم الجدار ده لشبكة مربعات بخط خفيف جدا وفي نفس الوقت بيكون معاه
رسم مبسط ( كروكي ) على ورقة بردي
ويبتدي يشتغل وينقل من الشكل الكروكي للجدار لكن بيرسم على الجدار بشكل متقن ومتناسق
بيشتغل وهو عارف هيرسم الودن في مربع كام والقدم مربع كام والرأس هتترسم في مربع كام .. الخ
كان لكل عنصر في الرسم له مقاييس ومعيار العنصر هو المربع كل عنصر بيترسم في عدد معين
من المربعات مش بيتغير في اي نقش او رسم يعني مثلا كان دايما الانسان بيترسم في 114 مربع
اما الحيوانات اللي زي الكلب والحيوانات اللي في حجمة او قريبة منه كانت بتترسم في 60 مربع
وعشان كده لما حد بيسألنا عامل اي بتقوله 100 فل و 14 يعني سليم الحمد لله .
اما لو انت مبتحبش حد فـ بتقول عليه فلان ده ابن 60.
عرفنا دلوقتي ليه ١١٤ و ليه ٦٠ ..
