تعرف علي سر سلسله مديحه كامل
مديحة كامل ترتدى سلسلة لا تغييرها من لحظة دخولها التمثيل حتى وفاتها
السلسلة دى ليها قصة :
مديحة كامل قبل ما تدخل التمثيل كانت بتحب شاب جارهم ..قصة حب دامت لسنين من وهما أطفال ..قبل دخوله الجيش بأيام قابلها وقالها إنه بقى بيعد الأيام والليالي اللي هيبقوا فيها مع بعض.. وطلع السلسلة دي من جيبه ولبسهالها .. وقالها اوعي تقلعيها .. حتى لو جرالي حاجة .. خليكي لابساها على الأقل تفتكريني .. ولو استشهدت اتجوزي .. بس لو ينفع متقلعيش السلسلة دي نهائي .. عاوز ابقى معاكي حتى بعد ما أموت
قالتله بعد الشر عليك ومتقولش كده وهترجعلي يا حبيبي بالسلامة .. وهتبقى إنت والسلسلة معايا .. باس ايديها وودعها ودخل الجيش
عدت شهور وجالها خبر استشهاده في حرب الاستنزاف .. وعاشت أسوأ أيام حياتها من بعده .. لدرجة إن جالها جلطة في القلب بعد الموضوع ده بفترة واللي كان سبب وفاتها فيما بعد بضعف عضلة القلب .. ويقال إن ده كان بسبب الحزن عليه اللي عمره ما فارقها
هو غاب لكنها فضلت لابسة السلسة سنين وسنين .. بتظهر بيها في كل أعمالها .. وهي بتاكل وبتشرب .. وهي نايمة وهي صاحية .. حتى لما اتجوزت رفضت تقلعها وكانت بتصارح جوزها قبل الزواج انها مش هتقلعها بدون ذكر السبب .. وان ده عهد مستحيل تخل بيه
